Hannes was bei da Dochesfohrt no Bad Bevensen,
bein'n 16. Dröhpn von den Plattduitsch-Autuhrn.
De lesste Dach wuhrd mit 'ne Chottesdahnst inna Kerke beennet,
de von ahn'n Pastuhr ut Barchtehade, ahn'n Plattduitschn, hohl'l wuhrd.
De Pastuhr spruuk in'n Chottesdahnste von Lazarus un sseiner Wiehr-Uppweckenunge.
Jesus harre et awelehnt, ühne bei ssein'n Krankhahtn bei te stohene un te helpn,
ofwuhle Mario un Marto de Schwestern von Lazarus, ühne dorümme be-en harrn.
Ssou was Lazarus nu storbn un et wührn all 4 Doche vabei,
ihe ha no Betahnien kamm, wu ssa ühne in ahne Hühle int Chraff e-lecht harrn.
Un toun Schlusse harrn ssa vuhr düsse Hühle noch'n Rullstahn schubn.
Asse Jesus nun de Anornunge chaff, den Stahn wech te nühmne, mahnde Marto:
"Nee, nee, Mesta, ha is doch al 4 Doche ohlt un stinket doch al."
Doch, wie se denn den Stahn wejenum'm harrn, kamm de dohe Lazarus
upp sein'n eijenen Feutn uter
Hühl'l.
Ssou wuhrd de Allmächtichkaht von Chott un Jesus duitlich e-moket.
Sou solln de Lui-e dat vastohn.
---
Sou weit, ssou chout.
Un wahl de Pastuhr ssou duitlich von Stinken spruken harr,
mahnde ha toun Schlusse:
"Jei ssühlt nich mit den Chedanken an datt Stinken no Hus cho-en.
Eck will Jöck 'n Wohlcheruch mie uppn Wech giem'm.
Twa von mein'n Hellpass stohet an'n Utchange vuhr da Kerke und wer will,
kann ssein'n Finga in den Duft-Ülich stippn un sseck domie 'n
Kruize upp Stehrn odda Hand moken."
Nun wusste Hannes natürlich nich ssou chenau uwa de Rejeln in ssou
ahna Kerke Beschahd.
Ha harre all 'n poor Münzen inna Hand, de ha spen'n woll.
Dösig, wie ha wass, schmiet ha dat Cheld in den Duft-Ülich.
Ha ssach, wie dat Cheld do inne platschede und wusste, dat is vakehrt.
Ha chrawelde de Münzen do wiehr ruta und dieh se in ahn'n Opferstock,
de anner Wand hängede.
Butn vatelde ha ssein'n Frünn'n ssein Misscheschicke un ruuk dobei
an ssein'n Duft-Balssohm-Fingarn.
Do lacharn sseine Frünne un mahndn, ha herre jou woll ssou
watt ähnliches wie Cheldwäsche inna Kerke bedriebn.
-----------
Jou, jou, wenn dat, wat man Cheldwäsche nennt, ümmer ssou awlaape,
wührt jou chanz chout.